أمانه ياخياط _ عبدالحميد المرسى
أمانه ياخياط
----------------
أمانه ياخياط ، فَصْلّٓلىِ جلّابيه
بياقه وزرارين ، ومبحبحه شويه
أحسن خلاص ، حموت من الخنقه
أمانه ياخياط ، فصلّلى عبايه
مفتوحه من طوقها ، وكمامها فسحايه
قماشتها من ترجال ، ولونها راحة بال
تساع تعب روحي ، وهمومي ويايا
أمانه ياخياط ، غير بقى توبي
أخضر ومنعنع ، زهقت من الطوبي
حظي خفيف ريشه ، منقوش على خيشه
أجيب منين عيشه ، تقبلني بعيوبي
أمانه ياخياط ، ومش هقول تاني
فصل ياريت حظي ، وارميه ف عنواني
يكون سعيد الحال ، مبسوط ومتهني
وبلاش يألمني ، جروحي وجعاني
اضف تعليقاً عبر:
الابتسامات