قول يا سايسنا كله تمام _ محمد البلااط
قول يا سايسنا كله تمام
قول يا سايسنا ياللي دهسنا واحسن تاني القول
مين شيلنا الهم في راسنا ومين علي العار مسؤول
قول وفنن ما انتا خبير فاهم الطب وفاهم كثير
عارف الزلعة عارف الزير حافر بير وبايع النيل
قول القول اللي هيفرسنا ما انتا كثير عطيت وعود
قول واتمطع فيك هنشجع ميهمكش مين هيموت
قول يا سايسنا كلام بيوجع مية مليون وزياده اسود
اكذب قد ما تكذب قول مين هيصدق المسطول
قول راح اكبر بس انتا اصبر بكرة هتبقي تبن وفول
قول راح ابني ماهو انت ابني مين غيري عنك المسؤول
قول وسجد كله هيسجد وكل عبيط هيعيد القول
نصبة طرية ليك مش ليا شغل وسية فيها عجول
بتستنظر علفة وماية من حرامية مسكة الدور
قول يا حبيب الكل يا سايس يا مقضيها وقاضي عليها
وعلي المساكين بالجزمة ودايس
قول والقول مسنود بافلام اي كلام في كلام في كلام
ومن الكيس طلع ثعابينك والعفريت والجان خدام
يوهم فينا وما يعزينا ويعشمنا بكله تمام
نصبة طرية ليك مش ليا شغل وسية فيها عجول
قول يا سايسنا خلعنا لباسنا وكله في دوره واقف عشمان
وبيستنظر حاجة لو منظر لكن يظهر كله اوهام
قول فلسنا خلعنا لباسنا او في الحيط دخلنا براسنا
مين هيحاسب اللي دهسنا وحكم القاضي جاهز بلحام
قول يا سايسنا كلام علي راسنا لو نستنظر الفين عام
وانتا براحتك تاخد مساحتك لو من مصر لحد اسوان
وتترك لينا شيء من سينا بعد القسمة لعمنا سام
وهنتحمل وراح نكمل مئة مليون ليك خدام
قول راح اكبر بس انتا اصبر بكرة هتبقي تبن وفول
نصبة طرية ليك مش ليا شغل وسية فيها عجول
قول يا سايسنا خلعنا لباسنا وكله في دوره واقف عشمان
وبيستنظر حاجة لو منظر لكن يظهر كله اوهام
قول فلسنا خلعنا لباسنا او في الحيط دخلنا براسنا
- قول يا سايسنا كله تمام
- بقلم محمد البلااط
عامية
اضف تعليقاً عبر:
الابتسامات